2023出走香港Day 2：當哈比人遇上螢火蟲 ！

奧克蘭之旅Day 2，哈比人村 x 懷托摩螢火蟲洞，走進夢幻國度！

奧克蘭之旅Day 2，我哋嚟到哈比人村（Hobbiton™ Movie Set）！哈比人村係電影「魔戒」系列中，唯一一個被完整保留嘅電影製作場景；哈比人洞屋、綠巨龍客棧、磨坊同宴會樹等經典電影場景一一呈現眼前，大家嘅相機都已經ready好，不能錯過任何一個打卡位。

除咗哈比人村，大家今日仲到咗位於羅吐魯阿附近嘅懷托摩螢火蟲洞 (Waitomo Cave)。羅吐魯阿係北島毛利人聚集嘅最大本營，而毛利語中wai係「水」嘅意思，而tomo係「洞穴」，所以waitomo就係地下水道嘅意思。當地工作人員帶著大家走入1.5萬年歷史嘅鐘乳石洞，沿著壯觀嘅鐘乳石通道行走，抬頭一望就有成千上萬嘅螢火蟲，好似一條藍色嘅星河，堪稱世界第九大奇跡！

想知道我哋聽日會去邊？就要緊貼住Amway Express啦！