你了解新一代消費新力軍嗎?

根據Tenten Insight*報導指出，Z世代擁有440億美元嘅購買力，佔全球消費力40%，當中更有82%嘅父母表示佢哋嘅消費習慣亦被Z世代嘅仔囡影響。電子產品已成為Z世代日常生活中嘅一部分，即使喺實體店購物時，佢哋都會用手機搜尋資訊，近5成會網上搜尋優惠券或促銷活動等，以及進行格價，呢啲都係Z世代購物嘅新常態。

另外，Z世代期望喺購物過程中遇到問題都能夠迅速解決，佢哋傾向透過社群媒體尋求幫助。這意味Z世代需要更多個性化、及時性嘅服務。

根據《2023 年安利全球創業報告》(Amway Global Entrepreneurship Report 2023)，收集咗嚟自15個市場，超過15,000名成年受訪者嘅資料，近8成表示十分適應於社交媒體上購物，而喺香港受訪者當中，接近4成(35歲或以下)認為社交媒體係銷售產品嘅最佳途徑。正如Tenten Insight指出Z世代傾向喜歡從Instagram了解品牌。

其次，Z世代十分注重品牌個性，傾向支持與自身社會價值觀一致嘅品牌，而佢哋偏向網購時尚個人消費品，如服飾、保健品及護膚化妝品等。

眼見新一代消費大軍崛起，不少品牌採取措施，加強與Z世代嘅互動，瞭解同滿足Z 世代嘅需求，將為企業同市場帶嚟巨大嘅機遇及成功。

*https://tenten.co/learning/genz-marketing/